Le projet Mosaïc organise une journée jeunesse (pour les jeunes de 15-30 ans environ) des diverses Eglises protestantes de la région parisienne !
Cette journée a lieu le lundi 28 mai (lundi de Pentecôte), à 10h, à l’Eglise réformée de Pentemont Luxembourg.
Au programme :
Marianne Guéroult, pasteur
]]>HAFATRA PASTORALY AVY AMIN’NY FILOHAN’NY FPMA
NOHO NY PASKA 2012
Ho aminareo anie ny fahasoavana sy ny fiadanana avy amin’I Jesoa Kristy, Ilay Vavolombelona mahatoky, Ilay Zanaka Lahimatoa sady voalohany natsangana ho velona avy tamin’ny maty, ary Ilay Filohan’ny mpanjaka amin’ny tany.
«Nitondra ny aretintsika tokoa izy sady nivesatra ny fahoriantsika; saingy isika no nihevitra azy ho nofaizin'Andriamanitra Izay nikapoka sy nampietry azy. Kanefa voalefona noho ny helotsika izy sady notorotoroina noho ny fahadisoantsika; ny famaizana antoky ny fiadanantsika no nihatra taminy, ary ny ratra nahazo azy no nahasitrana antsika. » Isaia 53, 4-5 Tsarovantsika mandrakariva mandritra ny Herinandro masina io tenin’ny Tompo nampilazaina ny mpaminany Isaia io. Misaotra an’Andriamanitra isika noho ny fandresena ankalazaina amin’ny Paska.
Tato ho ato, ry havana, dia rentsika foana teo amin’ny fampitam-baovao isan-karazany ny filazana momba ny HERISETRA. Miainga avy amin’izany no nahatonga anay hanao izao hafatra tiana ampitaina amintsika amin’izao Paska izao. Herisetra ara-pivavahana no nahatonga ireo lohandohan’ny Mpitari-pivavahana teo amin’ny Jiosy fahizany tsy nijanona raha tsy nahafaty ny Tompo. Sanatria dia sanatria tsy hitsara azy ireo akory izahay ka hamelona ny fankahalana ny jiosy mandraka ankehitriny izay nahatonga herisetra isanèkarazany nanenjehana azy ireo teo anivon’ny tantara. Fa tianay hotarihana ny saintsika kristiana Malagasy aty am-pivahiniana mba hamakafaka tsara sy handinika momba ny fahazoan’ny herisetra vahana.
Tsy ny fampiasana hery sy fandatsahan-dra arahin’ny famonoana ihany akory no herisetra. Fa ny fitompoan-teny fantatra sy ny fiziriziriana amin’ny hevitry ny tena ka hanaovana tsinontsinona sy hanamaivanana ny hevitry ny hafa dia mahatonga herisetra. Ny teny marary manindrona mikendry izay hampangirifiry ny namana dia herisetra mihoatra lavitra noho ny fandatsahan-dra akory aza. Nizaka ny herisetra ny Tompo, ary tena asan’ny devoly izany, vokatry ny fahotana. Tahaka izay namonoan’i Kaina an’i Abela rahalahiny noho ny tsy fankasitrahany azy, sy noho ny fitiavantenany nomeny lanja lehibe, no efa novesarin’ny Tompo koa sy nentiny teo ambony hazofijaliana.
Fa efa natsangana velona ny Tompo. Resiny tamin’ny halemem-panahy sy ny fitokisany feno an’Andriamanitra ny herisetra nafitsoky ny fahavalony. Hoy Izy nanafatra ny mpianany hoe : « Izany no voalazako taminareo, dia mba hanananareo fiadanana amin'ny firaisana amiko. Eto amin'izao tontolo izao no ahitanareo fahoriana; nefa mahereza, fa Izaho efa naharesy izao tontolo izao! » Johany 16, 33. Ary mbola nampianatra ny mpianany koa Izy, hoe :«Noho izany ary, ataovy amin'ny olona izay rehetra tianareo hataon'ny olona aminareo; fa izany no vontoatin'ny lalanan'i Mosesy mbamin'ny fampianaran'ny mpaminany.» Matio 7, 12. Misy hosaintsinintsika izany hafatry ny Tompo izany.
Mirary Paska feno fandresena ho anareo rehetra izahay. Aza adinoina ireo fotoana iraisantsika, toy ny Fihaonamben’ny Tily, ny Fihaonamben’ny Vehivavy, ny ChoeurUni, ny Fihaonamben’ny Sampana Fifohazana. « Eny, efa voavono i Kristy ilay Zanakondrin'ny Paska ho antsika: ... ary raha tsy nitsangana velona i Kristy, dia tsy misy fotony izay torinay, ary tsy misy fotony izay inoanareo »I Korintianina 5, 7: 15,14
Ny Filohan’ny FPMA
Rev. Dr Jean A. RAVALITERA
]]>